سآلفه جديده

يا قلبي , إبّعد عن الضيقه و / ودّعها
ما حققت شيء .. و أيامك هي أيامك !

أحلامك / اللي توفّت لآآآآ / تطالعها !
بـ تْحصّلَ أجمل إذا طالعت ( قدامك )
’،

السلام عليكم ورحمة الله وبركآته

شحآلكم ان شاء الله انكم بخير

اليوم:الآحد

التاريخ:3-12-->اول مره اعرف التآريخ

اليوم ثآلث يوم من عشره ذي الحجه فآ لاتحرمو ن انفسكم الاجر

’،

من زمآن وانا سآحبه على مدونتي ولا اكتب فيهآ شي

مآغير ادخل اغير قآلبها وآطلع

وافتح تحرير رسآله وتروح السآعات ولايام وتقبل السنه القآدمه وانا مآكتبت شي 

المهم من شوي كنت بمدونة جيرآنا

فآ بنت الجيرآن كآتبه سوالف عن جدهآ وجدتهآآ

وش من سوآلف ولا آطلق مسلسل تركي ؤ  جدهآ كان موسع صدره ابو الشبآب بقوه

وجدتهآ من مآركة يآآآي دلوعه ورشيقة ومآتحب اكل
 البيت ..الخ-->كحال شباب اليوم<-- ابد مآنيب منهم
المهم بعد ماقريت سوالفهم اشتد بي الحمآآأس وانطلقت اعدوو بسرعه الى جدتي وبداتو بستجوابها-->مآيمديني يالفصحى


المهم بحط لكم المحآدثه الي صارت بينا


’،


آنا :جده قبل ماتآخذين زوجي كنتي تميلين له -->طبعآ لو اقول لها تحبينه بتفقع وجهي 


جدتي: عيب ذا الكلام الله يرحمه جدتس كآن رجال ينشهد له بالطيب


آنا: يعني تزوجتيه وانتي ماتبينه-->اسحبها بالكلام يقالي


جدتي نفصت عيونها فيني ثم قالت والغضب يتملكهاا:وانا بنت ابوي ومن بيغصبني عليه وانا مآبيه


طبعآ ضحكنا عليها لانها اعترفت ومآامدانا نكمل الاستجواب الا عمي داخل وجدتي نآدته وقالت له 
تعال اسمع  ذالي ماتستحي وش تقول ونكبتني عنده
ابي عآد ارقع الحتسي بس خلااص خربت هو قعد يضحك علي وانا كل مآلي اصغر و اصغر و اصغر ...لين قدرت انحآش من فتحة الباب من الفشيلة


فآ من بعدها تبت توبه نصوحه اني مآسئل جدتي مثل هالاسئله -->آي هين






مآيستفآد من ذآ الحتسي*


ولا شي يستفآد كله خرابيط 


الزبده اقصد انه من تدخل فيمآ لا فيس له فيه سوف يآكل تبننن محترم (تكرمون)


على فكره مت من الاحراج يوم مسكني وقالي آمانه وش الي كنتي تبين توصلين له من اسئلتك لأمي
اقوله ولله ان سؤالي من باب اللقافه المنميه لثقافه بس طبعآ ما صدقني 
فآ مع نفسه عنه مآا صدق فآ احسن اني طولت بالبربره والمشكلة كل حتسيي خرابيط
فآبسكتت شهرزآد عن الحتسي آلمبآاح




ودمتم بآطيب حال()